EDLG
Equipo de Dinamización da Lingua Galega
Actividades curso 2016-17
– E ti no teu centro, que fas?
Actividade con carácter plurianual coa que pretendemos crear canles de unión con outros centros educativos a través de actividades que elaboraremos e compartiremos con alumnado doutros centros. A actividade porémola este ano en marcha co CEIP Ría do Burgo de Culleredo. Data: terceiro trimestre.
– Concurso Alalá
Por segunda vez sacaremos este concurso coa intención de implicar máis ao alumnado na creación de material para o “Recuncho da creatividade” da nosa revista Alalá. Trátase do apartado da revista adicado a pasatempos musicais, onde caben os encrucillados, as sopas de letras, os dameros, breves composicións musicais, poemas, etc. Data do concurso: do 3 de marzo ao 14 de abril de 2017.
Normas do Concurso
Gañadores do Concurso
– En galego… como é?
Levaremos a cabo este ano a 2ª edición do concurso En galego… como é? no que todo o alumnado do centro terá a oportunidade de demostrar o seu coñecemento sobre a terminoloxía musical en galego. Datas: do 5 ao 19 de maio de 2017.
Preguntas do Concurso
Gañadores do concurso
– Día das Letras Galegas
Para celebrar as Letras Galegas de 2017 están previstos a día de hoxe tres concertos onde a protagonista será a música galega: concerto da Banda Sinfónica (o 26 de abril), O noso son: concerto de música galega no que participará alumnado e profesorado de todo o centro (4 de maio) e o IV Festival de bandas (14 de maio). Ademais elaboraremos carteis relacionados con Carlos Casares Mouriño, narrador, ensaísta, articulista de prensa, editor e dinamizador cultural ao que se lle dedican as Letras Galegas do 2017. Serán colgados na entrada do conservatorio.
– Revista A LA LÁ
Elaboración e publicación da revista A la lá nº9. A revista A la lá aparecerá este ano na súa 9ª edición. Nela teñen cabida artigos de calquera membro da comunidade educativa: profesores e profesoras, pais e nais, persoal non docente, e por suposto o alumnado do centro. A revista publicarase na páxina web do centro. Datas: de marzo a xuño de 2017.
Revista ALALA 2017
– Conta de Facebook do E.D.L.G. (Edlg Cmus Coruña)
Visítanos! Poderaste informar das actividades previstas e as que se están realizando, tanto polo equipo do EDLG como por calquera departamento do centro ou doutros centros educativos, todas elas actividades relacionadas coa música e coa lingua galega.
